لاہور (مانیٹرنگ ڈیسک) شادی والے گھر میں صفِ ماتم بچھ گئی، لاہور میں مسلح افراد نے چوبیس سالہ لڑکی کو شادی سے دوروز پہلے قتل کردیا، پوسٹمارٹم کے بعد لاش ورثا کے حوالے کردی گئی،علاقے کی فضا سوگوار، پولیس نے مقدمہ درج کرکے کارروائی شروع کردی۔
تفصیلات کے مطابق : شادی کی خوشیاں غم میں بدل گئیں،گھر سے بیٹی کی ڈولی کی بجائے جنازہ اٹھ گیا، لاہور کےعلاقے گلبرگ میں چوبیس سالہ لڑکی کو شادی سے دو روز پہلے قتل کردیا گیا،ہاتھوں میں مہندی اور آنکھوں میں خواب سجائے حرا بیوٹی پارلر جارہی تھی کہ موٹرسائیکل سوار دو ملزموں نے اندھا دھند فائرنگ کردی، جس سے حرا موقع پر ہی جاں بحق ہوگئی۔
پولیس نے پوسٹمارٹم کے بعد لاش ورثا کے حوالے کر دی، ورثا کا کہنا تھا کہ نہ تو ان کی کسی سے دشمنی ہے اور نہ ہی کسی پرشک ہے، نہیں جانتے کہ کس نے حرا کو قتل کیا، پولیس کی جانب دو نامعلوم ملزمان کے خلاف مقدمہ درج کرکے کارروائی شروع کردی گئی ہے،ذرائع کا کہنا ہے کہ ایک مشتبہ شخص کو بھی حراست میں لیا گیا ہے۔
No comments:
Post a Comment