(رپورٹ : جانی بھٹی)
پاکستان پیپلزپارٹی نے ایک بار پھر عدالتوں سے کوئی اور سلوک روا رکھنے کا شکوہ کر ڈالا نفیسہ شاہ کہتی ہیں کہ کورٹس کا پیپلزپارٹی کے ساتھ کوئی اور سلوک ہے دیگر کے ساتھ کچھ اور آج تک پیپلزپارٹی کو بھٹو شہید اور بینظیر شھید کے کیسز میں انصاف نہیں مل سکا ہے لیکن اس کے باوجود پیپلز پارٹی اداروں کا احترام کرتی ہے اور اس وقت قانونی جنگ لڑ رہی ہے
سکھر میں خورشید شاہ کی احتساب عدالت میں پیشی کے موقع پر میڈیا سے گفتگو کرتے ہوئے پاکستان پیپلز پارٹی پارلمینٹرین کی مرکزی سیکریٹری اطلاعات سیدہ نفیسہ شاہ کا مزید کہنا تھا کہ زرداری صاحب کو نیب اور جوڈیشل کسٹڈی میں پانچ ماہ ہوگئے ہیں لیکن ایک ریفرنس بھی دائر نہیں کیا گیا ہے خورشید شاہ کا موبائل 3 ماہ سے نیب کی تحویل میں ہے لیکن اب تک اس کا فرانزک نہیں کرایا گیا ہے
اس سے اندازہ لگایا جاسکتا ہے کہ احتساب کس طرف جارہا ہے اوراس کا حال کیا ہے عمران خان دوسروں کی بے نامی جائیدادوں کی بات کرتے ہیں لیکن ہمیں تو ایک ہی بے نامی جائیداد کا پتہ ہے وہ بنی گالا ہے عمران خان خود بے نامی وزیر اعظم ہیں اور ان کی آدھی کابینہ بے نامی ہے اب ان کا احتساب کا کھوکھلا نعرہ زیادہ دیر نہیں چل سکتا ان کا کہنا تھا کہ اگر میاں صاحب بیمار ہیں اور اس وقت ایون فیلڈ میں بیٹھے ہیں اور اگر ان کو ضمانت ملی ہے اور ان کی سزا معطل ہوئی ہے تو یہ ہو نہیں سکتا کہ حکومت اس کا حصہ نہ ہو
عمران خان پہلے این آر او نہیں دوں گا کا رونا رو رہے تھے اب میاں صاحب کو نکال کر بولتے ہیں کہ انہیں کیوں نکالا اب وہ جو گرج اور برس رہے ہیں اپنی کانٹیٹیونسی دکھانے کی کوشش کررہے ہیں اور وہ دکھانے کی کوشش کررہے ہیں کہ وہ لاعلم ہیں مگر ہم کہتے ہیں وہ اس کا حصہ ہیں ان کا کہنا تھا کہ ایک ملک میں انصاف کے لیے دو قانون ہے سندھ کے لیے الگ ہے اور پنجاب کے لیے الگ اور اب یہ بات سندھ والے نہیں کررہے ہیں
زرداری، فریال یا پیپلز پارٹی کے ساتھ سوتیلا پن کا کیوں سلوک کیا جارہا ہے اب یہ بات ملک کے کالم نگار، اینکرز اور آزاد لوگ کررہے ہیں ان کا کہنا تھا کہ ضمانت کے لیے درخواست دینا آصف زرداری کی صوابدید ہے ان کے وکلا، پارٹی چیئرمین اور خاندان کے لوگ انہیں یہ مشورہ دے چکے ہیں مگروہ قانون پر یقین رکھتے ہیں اور وہ قانونی جنگ لڑ رہے ہیں انہوں نے پہلے بھی بارہ سال تک قانونی جنگ لڑی ہے اور گزشتہ پانچ ماہ سے بھی لڑ رہے ہیں
No comments:
Post a Comment